Partawela
Nota importante: Poder Visionario i protektor
Siklo di poder: Ambos Ekinoksio – Luna Nobo
Partawela ta un di e paranan di presa mas místiko. Nan ta e mensaheronan, e protektornan, i e vishonarionan di aire. Nan tin e wowonan di mas skèrpi di tur e paranan di presa.
Partawela ta wòrdu ataká vários bia dor di paranan mas chikí (kinikini, chuchubi, blenchi). Esaki ta hopi signifikante pa e hendenan ku tin un partawela komo un “totem” òf animal di poder. E ta indiká ku probablemente e hendenan aki ta wòrdu ataká dor di otro hende ku no ke komprondé nan, òf e vários i diferente uso di nan energίa kreativo. E hendenan ei por ataká nan abilidat pa zueif.
Partawela ta siña nos pa nos ta opservativo… Bida ta duna señalnan. Pèrkurá di ta alerta pa asina bo por kapta i komprondé e señalnan bida ta duna.
Shelu ta e realmo di e partawela. Pa medio di su vuelo e ta komuniká ku hende i ku e espíritu di kreador. E ta habri nos vishon i ta inspirá nos pa un propósito di bida kreativo.